ఆంధ్ర ప్రదేశ్ భాజపా కు అధ్యక్షురాలి గా పదవీ బాధ్యతలు చేపట్టిన తర్వాత , పురందరేశ్వరి జగన్ ప్రభుత్వం పై తీవ్ర విమర్శలు చేశారు . ఆమెపై వైకాపా మంత్రులు ఎదురుదాడి చెయ్యడం తెలిసిందే .
దీనిపై భాజపా శ్రేణులు , నాయకులు మండిపడుతున్నారు . జగన్ రెడ్డి కళ్ళలో ఆనందం కోసమే వైసీపీ మంత్రులు విమర్శలు చేస్తున్నారని భాజపా అధికార ప్రతినిధి భాను ప్రకాష్ రెడ్డి తీవ్రం గా విమర్శించారు .తిరుపతిలో నిర్వహించిన మీడియా సమావేశంలో మాట్లాడుతూ , రాష్ట్ర మంత్రులు తమ పదవులను కాపాడుకోవడానికే ఈ విమర్శలకు దిగుతున్నారని మండిపడ్డారు .
రాబోయే ఎన్నికల్లో వైసీపీ కి వున్న 151 శాసన సభ స్థానాల్లో ఒక అంకెను ప్రజలు తీసివేయడం ఖాయమన్నారు . ఇక విజయసాయి రెడ్డి తాను కోల్పోయిన పదవి పొందడానికే విమర్శలు చేస్తున్నాడని అన్నారు భాజాపా నాయకులు భానుప్రకాష్ రెడ్డి .
