Latest Updates

తెరాస లోక్ సభ అభ్యర్థుల జాబితా విడుదల

TRS releases Lok Sabha candidates list

లోక్ సభ అభ్యర్థుల ఎంపిక విషయంలో టీఆర్ ఎస్ అధినేత కేసీఆర్ వ్యూహం పక్కాగా అమలు చేస్తున్నారు . అన్ని రకాలుగా ఆలోచించిన తర్వాత టికెట్లను ఫైనల్ చేసినట్టు తెలుస్తుంది. ప్రస్తుతం కేసీఆర్ హవా నడుస్తుండటం.. ఆయన మాటకు.. నిర్ణయానికి ఎదురు చెప్పే దమ్ము.. ధైర్యం సొంత పార్టీలోనే కాదు.. తెలంగాణ రాష్ట్రంలోనూ ఎవరికి లేదని చెబుతున్నారు . ఇక తెలంగాణలోని 17 ఎంపీ స్థానాలకు 16 స్థానాల్ని సొంతం చేసుకోవాలన్న ఆలోచనతో ఉన్న కేసీఆర్.. అందుకు తగ్గట్లు పావులు కదుపుతున్నారు. 16 స్థానాల్ని సొంతం చేసుకోవటం ద్వారా జాతీయ స్థాయిలో చక్రం తిప్పాలని భావిస్తున్న నేపథ్యంలో ప్రతి సీటు విలువైనదిగా చెబుతున్నారు. ఇప్పుడున్న పరిస్థితుల్లో ఒకట్రెండు సీట్లు చేజారినా కేసీఆర్ పని అయిపోయిందన్న వాదన జోరందుకుంటుంది. ఈ కారణంతోనే ఈ లోక్ సభ ఎన్నికలు కేసీఆర్ సమర్థతకు పరీక్షగా మారాయని చెబుతున్నారు. కేసీఆర్ చెప్పినట్లే తెలంగాణలో జరుగుతుందన్న మాటకు నిలువెత్తు నిదర్శనంగా లోక్ సభ ఎన్నికల ఫలితాలు మారతాయన్న అంచనాలు ఉన్నాయి. దీనికి తోడు నియోజకవర్గం ఏదైనా.. అభ్యర్థి ఎవరైనా.. ఓటు వేసేది అభ్యర్థిని చూసి కాదు.. కేసీఆర్ ను చూసి అన్న భావనను కలుగజేయటంలో కేసీఆర్ సక్సెస్ అయ్యారు.అలా అభ్యర్థులుగా ఎవరినిపడితే వారిని ఎంపిక చేయకుండా జాగ్రత్తలు తీసుకుంటున్నారు. మొత్తం పోటీ చేయాలనుకుంటున్న 16 స్థానాల్లో ఏడు సీట్ల విషయమై కేసీఆర్ క్లారిటీతో ఉన్నట్లు చెబుతున్నారు. మిగిలిన తొమ్మిది స్థానాల మీదనే ఆయన కసరత్తు చేస్తున్నట్లు చెబుతున్నారు. అభ్యర్థుల ఎంపికను మరో రెండు రోజుల్లో పూర్తి చేసి ఒకేసారి అభ్యర్థుల్ని ప్రకటించాలన్న ఆలోచనలో కేసీఆర్ ఉన్నారు. దీనికి తగ్గట్లే.. కేసీఆర్ తనకు తానే స్వయంగా అభ్యర్థుల ఎంపిక ప్రకటన మరో రెండు రోజుల్లో ఉంటుందని చెప్పటం గమనార్హం.కేసీఆర్ కన్ఫర్మ్ చేసిన ఏడు లోక్ సభ స్థానాల అభ్యర్థుల విషయానికి వస్తే
కరీంనగర్ – బోయినపల్లి వినోద్ కుమార్, నిజామాబాద్ -కల్వకుంట్ల కవిత,మెదక్ – కొత్త ప్రభాకర్ రెడ్డి, జహీరాబాద్- బీబీ పాటిల్, భువనగిరి – బూర నర్సయ్య గౌడ్,
ఆదిలాబాద్ -నగేష్, నాగర్ కర్నూలు – పి. రాములు లను ఖాహారు చేసినట్టు తెలుస్తుందిమిగతా వారిని ఒకటి రెండు రోజుల్లో ప్రకటించనున్నారు .